Атырау облысының прокуратура қызметкерлері арасында «Тілдің үштұғырлығы – ұлт тірегі» байқауы өткізілді

14 қыркүйек 2018 Версия для печатиВерсия для печатиPDFPDF
Атырау облысының прокуратура қызметкерлері  арасында «Тілдің үштұғырлығы – ұлт тірегі» байқауы өткізілді - 1455499022

Атырау облысы прокуратурасы Қазақстан халқы тілдері күніне орай қазақ, орыс және ағылшын тілдерін жетік меңгерген қызметкерлер арасында  «Тілдің үштұғырлығы – ұлт тірегі» атты байқауы өткізілді.

         Байқаудың мақсаты қызметкерлердің тілге деген сүйіспеншілігін арттыру, тіл мәдениетін жоғарлату және үштілдікті қолдау.

Төрт кезеңнен тұрған байқауда қатысушылар өздерін 3 тілде таныстырып,  тілдерді меңгеру шеберлігімен қатар, сахналық мәдениеттерін көрсетті.

         Тіл мен әдебиет саласының мамандарынан құрылған қазылар алқасының шешімімен 5 қатысушы облыс прокурорының алғыс хаттарымен, ал жүлделі орын алған 3 қатысушы бағалы сыйлықтармен марапатталды. 

Байқау нәтижесі бойынша І орынды Атырау қаласы прокуратурасының қылмыстық қудалау бөлімінің прокуроры Н.Хайдарова, ІІ орынды Атырау қаласы прокуратурасының қоғамдық мүддені қорғау бөлімінің прокуроры М.Жалмурзин, ІІІ орынды Жылыой ауданы прокуратурасының прокуроры Ш.Нәсіпқалиев иеленді.